Sóiyi Kíristan óite ki gorá foribo?
Kíristian úa mockil noó, zendila kessú manúicór demakot aiyé. Zetara Kíristan bóli dabi goré hítará yo beggún Kíristan noó. Hétolla yian beci sóiyi de ki, hárr eggúa kíristan jonnot nogólibo. Kiyólla-hoilé Kíristan dabi goillé kíristian óde noó. Beci manúic ókkol Kíristan foribar ottú óile Kíristian dabi goré, montor tarár zibon saáile burai loi furaiya, nitti hóraf rastat táke. Ar hodún endila kíristan asé zará manúic or muúntu bicí gom montor tarár bútore hóraf loi furaiya. Óite fare tuñí yó eggúa Kíristan bóli dabi goró, montor tuáñr dilot ki asé de yían bicí dorhár. Eggúa sóiyi Kíristan ottú Allahr loi taaluk táka foribo. Zodi tuñí yián bafo, Aññí keéngorí Allahr loi taaluk tákiyum, zuab oildé, Añára zeéñtte Allahr kalam fori héñtte Allah ye añarár loi hotá hoó, ar zeéñtte añára dua gorí héeñtte añára Allahr loi hotá hoói.
Tuáñr zibonot manúice kíristan or gulagala ókkol dekí fara foribó. Tuáñr ttú hóraf ttú duré táka foribó. Eén-eén Kíristan asé, zará dabi goré montor taráre cóitane control goré. Hodune thiañr lalós loi furaiya óde asé, ar hodúne izzot faibólla Kíristan dabi goré de asé.
Cíkar gorá.
I Yuhúna 1:9, hoódde, añára zodi añárar guná re cíkar gorí, tóoile añárár guna maf goríbo hoiyé. Cíkar gorá hoóde yian ekkán becí dorhari sis, añára ki gorír ar ki nogorír Allah ye beggún zane, añára manúic oré misá hotá hoói fari lekin Allah re nofarí. Hétolla añárattu Allahr hañsé guná cíkar gorá foribo. Tuñí Kírstan óiyo maani endila nodé ki tuáñr ttú guná nái, ar tuñí eggúa pak-sáf manúic, Kíristan óile guná gora za de asé, lekin guná yían ottú towba gorí ar ekbar nogoriyúm hoói dil fírai Allah ttú maf saá foríbo. Kíristan hoóde íba ttú guná ttú duré táke de dil yían táka foribó. Ar fúañti-fúañti dua gorát táka foribó, Allahr kalam fúna foribó, forá foribó, zeéne tuñí Allahr hókum, corót ókkol zano edde guná ttú duré táko.
Commentaires